"Рома"нинг босниялик 35 ёшли ҳужумчиси Эдин Жеко "Интер"га ўтишга яқин турибди. Бу ҳақда журналист Николо Скира твиттерда хабар берди. Манбага кўра, клублар ўртасидаги музокаралар якунланиш арафасида. Ҳужумчининг агенти миланликлар билан футболчининг 2023-йилгача тузилган шахсий шартномасини келишиб олди.
"Интер" "Рома"нинг қарорини кутмоқда ва яқин бир неча соат ичида битимни якунлаши
мумкин. Ўтган 2020/2021-йилги мавсумда Жеко "Рома" таркибида барча турнирларда 38 та
ўйинда қатнашиб 13 та гол ва 5 та голли узатмани амалга оширишга муваффақ бўлди.
