«Арсенал» «Манчестер Сити» футболчиси Бернардо Силвани Меддисон трансферига муқобил вариант сифатида кўриб чиқмоқда. «Mirror» нашри хабар қилишича, Бернардо Грилиш трансферидан кейин жамоадаги келажаги ноаниқ бўлган футболчига айланган.
Гвардиола ҳам уни олиб қолишда жонбозлик кўрсатмаяпти. Шу сабаб яхши таклиф учун потугалиялик футболчи кетишга қарши бўлмайди. «Канонирлар» бош мураббийи Микел Артета футболчини «Сити»даги фаолиятидан жуда яхши билади. У агар Эдегорни қайтаришни иложи бўлмаса, Бернардони қулай нархга сотиб олишга ҳаракат қилади.
Аввалроқ Бернардо учун «Атлетико» ҳамда «Барселона» қизиқаётгани ҳақида хабар қилинган эди. Бироқ Испания гигантларини молиявий аҳволи трансфер учун етарли бўлмаслиги мумкин.
