"Челси" бош мураббийи Томас Тухел УЕФА Суперкубоги учрашувидан олдин фикрлари билан ўртоқлашди.
"Мен "Вильярреал"ни жуда ҳурмат қиламан, шунингдек жамоа мураббийи Унаи Эмерини ҳам. Европа лигасини аллақачон Унаи Эмери кубоги деб аташ мумкин! Бу ақл бовар қилмайдиган мураббий! У бешта финалда ўйнади ва улардан тўрттасида ғалаба қозонди. Шунчаки, қойил.
Испания жамоаларига қарши эҳтиёт бўлиш керак. Улар футболни жуда яхши кўрадилар, тўпни кўпроқ назорат қилишга ҳаракат қилишади. Уларда йўқотадиган ҳеч нарсаси йўқ. Лекин мавсумни Суперкубокни ютиш билан бошлаш ажойиб бўлади. Биз бу учрашувни жуда жиддий қабул қиламиз. Биз кубокни уйга олиб кетиш учун ҳамма нарсага тайёрмиз", - дея УЕФА матбуот хизмати Томас Тухелнинг сўзларини келтиради.
