Лондоннинг «Арсенал» клуби «Манчестер Юнайтед»ни ортда қолдирган ҳолда «Атлетико» ҳимоячиси Киран Триппьерни қўлга киритишга ҳаракат қилади.
Бу ҳақда The Sun нашри хабар беради.
«Канонирлар» 31 ёшли инглизнинг трансфери борасида аллақачон Испания чемпиони билан боғланишган.
«Арсенал»нинг ўнг қанот ҳимоячиси Эктор Бельерин ёзда жамоани тарк этади ва лондонликлар бош мураббийи Микел Артета Триппьерни унга мукаммал ўринбосар деб билади.
Маълумот учун, «Атлетико» инглиз футболчиси учун 40 миллион евро талаб қилмоқда ва «матрасчилар» бош мураббийи Диего Симеоне клубдан Триппьерга янги шартнома таклиф қилишни хоҳлайди.
