"Саутгемптон" ҳимоячиси Янник Вестергард фаолиятини Премьер-лиганинг бошқа клубида
давом эттириши мумкин, деб хабар беради Talksport нашри. Манбанинг хабарига кўра, 29
ёшли даниялик футболчига жиддий жароҳати туфайли Уэсли Фофанани узоқ вақтга йўқотган
"Лестер" даъвогарлик қилмоқда.

Ўтган мавсумда Вестергард Премьер-лигада 30 та ўйинда майдонга тушиб, 3 та гол уришга
муваффақ бўлди. Евро-2020да ҳимоячи Дания терма жамоаси билан олтита ўйин ўтказди.
Трансфермаркет портали футболчининг қийматини 18 миллион еврога баҳоламоқда.