Индонезиянинг «Персипура Жаяпура» жамоаси 16 февраль куни ОЧЛ плей-офф учрашуви доирасида Аделаидадаги «Хиндмарш» стадионида Австралиянинг «Аделаида Юнайтед» жамоасига қарши майдонга тушади. Бу ҳақда ОФК ахборот хизмати хабар бермоқда.

Спорт арбитраж суди «Персипура Жаяпура»нинг ОЧЛ-2012даги ўрнини тиклаш ҳақида қарор қабул қилганидан сўнг, жамоа яна ОЧЛга қайтарилди.

Шу билан бир вақтда, ОФК Мусобақаларни ташкил этиш қўмитаси «Аделаида Юнайтед» – «Персипура Жаяпура» жуфтлигида мағлуб бўлган жамоа ОФК Кубогига йўл олмаслиги, ғолиб жамоа эса ОЧЛнинг «Е» гуруҳидан ўрин олиши ҳақида қарор қабул қилган.

ОЧЛнинг бошқа плей-офф учрашувлари 18 февраль куни бўлиб ўтади. Шу куни гуруҳ босқичи йўлланмаси учун қуйидаги жуфтликлар майдонга тушади:

«Аш-Шабоб» (БАА) – «Нефтчи» (Ўзбекистон)
«Истиқлол» (Эрон) – «Ал-Иттифоқ» (Саудия Арабистони)
«Поханг Стилерз» (Жанубий Корея) – «Чонбури» (Таиланд)