Римнинг "Рома" клуби жамоани тарк этишга яқин турган босниялик 35 ёшли ҳужумчи Эдин Жекога ўрин босар қидиришда давом этмоқда. Италиялик журналист Николо Скира твиттерда қайд этганидек, "Рома"нинг селексия хизмати 21 ёшли иқтидорли "Реал Сосьедад" ҳужумчиси Александр Исакга қизиқиш билдирган.
Футболчи олдинроқ клуби билан шартномасини 2026-йилгача узайтирган эди.
Ўтган мавсумда Исак "Реал Сосьедад" сафида барча турнирларда 44 ўйинда қатнашиб, 17 та
гол ва 2 та голли узатма муаллифига айланди. Охирги Евро-2020 мусобақасида у тўртта ўйиннинг
барчасини асосий таркибда ўтказди ва иккита голли узатмани амалга оширди. Футболчининг
трансфер қиймати 40 миллион еврога баҳоланмоқда.
