“Манчестер Сити” ҳужумчиси Карлос Тевез ўша машҳур “Бавария”га қарши ўйиндаги воқеа ҳақида ниҳоят гапириб берди. 

“ Мен тўрт ой жим турдим. Вазият қалтис бўлгани учун ўша воқеа ҳақида оммавий ахборот воситаларига айтмасликни нлозим топгандим. 

Ўшанда мен биринчи таймда чигалёзди машғулотларини бажардим. Иккинчи таймда майдонга тушиш учун тайёр эдим. Аммо Манчини ҳимояни кучайтирмоқчи бўлди ва Жеко ўрнига де Йонгни туширди. Мен бу ўзгаришни тушунмадим. Назаримда, Жеко ҳам тушунмади ва Манчини билан тортишиб кетди.  Бу тортишувдан мураббийнниг жаҳли чиқиб кетди ва менга майдонга тушишга тайёрланишимни айтди. Шундан сўнг у менга шундай сўзларни айтдики, мен буни ҳатто тамсаввур қила олмасдим. Аслида ўша пайтда менда ҳаммаси жойида эди, хотиржам ҳолда Сабалета билан гаплашиб ўтиргандим. 

Клуб ўз текширувини ўтказди ва мени жаримага тортди. Жарима? Хўп. Лекин мен одамларга ҳақиқатни айтмоқчи бўлдим, улар эса – йўқ” – деди аргентиналик ҳужумчи Mundo Albiceleste Аргентина телеканалидаги эфирда.