«Астон Вилла» Франциянинг «Ленс» клуби яримҳимоячиси Чеик Дукуре борасида музокараларга киришди. «Goal» нашри берган хабарида «Вилла» бу бўйича аллақачон алоқага чиққани, аммо ҳали расмий таклиф киритилмагани ҳақида айтилади.
21 ёшли футболчи ўтган йили Франция 1-дивизионида ажойиб мавсум ўтказди. У тўртта гол ва битта ассистга муаллифлик қилган. Хабарга кўра, «Ленс» клуби футболчи учун 15 миллион евро (12,7 млн фунт) сўрайди.
Айтиш мумкинки, бу қиймат бирмингемликлар учун муаммо туғдирмайди. Чунки улар яқиндагина Грилиш сотувидан 100 миллион фунт ишлаб топганлар. Дин Смит ушбу маблағларни оқилона сарфлашга ҳаракат қилмоқда.
