"Интер"нинг аргентиналик футболчиси Лаутаро Мартинес янги мавсумни Лондоннинг "Тоттенхэм" клуби сафида бошлаши мумкин. Бу ҳақида инсайдер Фабрицио Романо хабар бермоқда.
Аввалроқ, "шпорлар" Мартинес учун 70 млн евролик таклиф қилгани ҳақида хабар тарқалганди. Манбада айтилишича, Лондон клубининг мазкур таклифи ҳамон ўз кучида турибди. Чунки, "Интер"нинг молиявий муаммолари футболчини қанчалик ушлаб қолишга ҳаракат қилмасин, аргентиналикни сотишга мажбур қилиши мумкин.
Аввалроқ, Лаутаронинг агенти мижозини Миланда бахтли эканлигини ва бошқа жамоага кетиш ҳақида ўйламаётгани ҳақида хабар берган эди. Бироқ, маълум бўлишича, Италия клуби футболчини сотишга қарши эмас. Фақатгина, ўзлари учун маъқул келадиган нархга сотишни мўлжалламоқда.
