"Inter"ning argentinalik futbolchisi Lautaro Martines yangi mavsumni Londonning "Tottenxem" klubi safida boshlashi mumkin. Bu haqida insayder Fabrisio Romano xabar bermoqda.

Avvalroq, "shporlar" Martines uchun 70 mln yevrolik taklif qilgani haqida xabar tarqalgandi. Manbada aytilishicha, London klubining mazkur taklifi hamon o‘z kuchida turibdi. Chunki, "Inter"ning moliyaviy muammolari futbolchini qanchalik ushlab qolishga harakat qilmasin, argentinalikni sotishga majbur qilishi mumkin.

Avvalroq, Lautaroning agenti mijozini Milanda baxtli ekanligini va boshqa jamoaga ketish haqida o‘ylamayotgani haqida xabar bergan edi. Biroq, ma’lum bo‘lishicha, Italiya klubi futbolchini sotishga qarshi emas. Faqatgina, o‘zlari uchun ma’qul keladigan narxga sotishni mo‘ljallamoqda.