Бугун Туркияда маҳаллий чемпионат учрашувларида келишилган учрашувларни ташкил қилишда айбланганларнинг суди бўлиб ўтди. Бу ҳақда "Франц Пресс" ахборот агентлиги хабар бермоқда.

Истанбулнинг "Фенербахче" клуби президенти Азиз Йилдиримнинг ҳам бу ишга алоқаси борлиги борасида бир неча маротаба хабар бериб ўтгандик. Туркия суди прокурори Йилдиримни 147 йиллик қамоқ жазосига маҳкум этди.

Судда айбланганларнинг умумий сони тахминан 100 кишини ташкил қилганди. Буларнинг орасида клуб раҳбарлари ва бир қатор футболчилар ҳам бор.

Таъкидлаб ўтиш жоиз, ўтган йилнинг декабрь ойида Туркия қонунчилиги футболдаги коррупцияни аниқлаб уларни жазолашга буйруқ чиқарганди. Қарорга мувофиқ кимда-ким келишилган учрашувларда иштирок этганини тан олиб келса жазо енгиллаштирилиб 3 йилдан 12 йилгача бўлган муддатга қамоққа олиниши кўрсатиб ўтилганди. Бироқ мамлакат президенти бу қонун лойиҳасини тадбиқ этишни таъқиқилаб қўйганди.