«Челси» бош мураббийи Томас Тухель Европа суперкубогидаги ғалабадан сўнг, УЕФА расмий сайтига учрашув ҳақида фикр билдирди.
«Ўйин жуда оғир кечди. Дастлабки 30 дақиқада биз жуда кучли эдик. Кейин эса ўтказиб юборилган голдан сўнг темпни пасайтирдик. Ғалабага лойиқ эдик. Бизда Кепа пенальтиларни яхши қайтаришини кўрсатувчи статистика бор. Таҳлилчилар менга маълумотларни беришди. Кейин эса футболчиларга бундай вазият бўлиши мумкинлигини айтдик. Менди буни қай тарзда қабул қилгани эса ҳайратланарли.
Биз жамоа учун фойда бўладиган ишни қилишимиз керак эди. Бу амалга ошганидан хурсандман. Кепа учун хурсандман. Шунингдек, жамоа манфаати йўлида барча ўзгаришга тайёр бўладиган Эдуар каби посбонимиз борлигидан хам мамнунман», — деди Тухель.
