«Chelsi» bosh murabbiyi Tomas Tuxel Yevropa superkubogidagi g‘alabadan so‘ng, UEFA rasmiy saytiga uchrashuv haqida fikr bildirdi.

«O‘yin juda og‘ir kechdi. Dastlabki 30 daqiqada biz juda kuchli edik. Keyin esa o‘tkazib yuborilgan goldan so‘ng tempni pasaytirdik. G‘alabaga loyiq edik. Bizda Kepa penaltilarni yaxshi qaytarishini ko‘rsatuvchi statistika bor. Tahlilchilar menga ma’lumotlarni berishdi. Keyin esa futbolchilarga bunday vaziyat bo‘lishi mumkinligini aytdik. Mendi buni qay tarzda qabul qilgani esa hayratlanarli.

Biz jamoa uchun foyda bo‘ladigan ishni qilishimiz kerak edi. Bu amalga oshganidan xursandman. Kepa uchun xursandman. Shuningdek, jamoa manfaati yo‘lida barcha o‘zgarishga tayyor bo‘ladigan Eduar kabi posbonimiz borligidan xam mamnunman», — dedi Tuxel.