"Тоттенхэм" ва Англия терма жамоаси ҳужумчиси Харри Кейннинг келажаги номаълумлигича қолмоқда.
Журналист-инсайдер Фабрицио Романонинг хабар беришича, "Манчестер Сити" футболчининг трансферидан воз кечмаган. "Шаҳарликлар" раҳбарияти 150 миллион евро миқдорида янги таклиф тайёрламоқда ва агар "шпорлар"нинг бу масала бўйича позицияси ўзгарса, буни амалга оширади.
Манбага кўра, "Тоттенхэм" ҳали Кейн учун ҳеч қандай янги таклиф олмаган ва уни жамоада сақлаб қолиш ниятида.
"Шаҳарликлар"нинг ҳозирги стратегияси - тайёр бўлиш ва кутиш.
