«Арсенал» устози Микел Артета ушбу ёзги трансферлар ойнаси энг қийини бўлганини таъкидлади. Шундай бўлсада, таркибга яна янги номлар қўшишга умид қилишини билдирди.
Унинг сўзидан «ESPN» нашри иқтибос келтиради: «Очиғини айтиш керак, жуда ҳам мураккаб даврларни бошдан кечиряпмиз. Шунингдек, трансферлар ойнасида ҳам. Сиз эшитган янги номлар бундай клуб учун камлик қилиши турган гап. Лекин биз эҳтимолий харидлар ҳақида режаларга эгамиз. Мен, клуб ҳамда раҳбариятни трансферлар борасида бир хил қизиқишларимиз мавжуд. Биз хоҳлаётган футболчилар таркибни кучли қилади. Ҳаммасига кўникишга ва мослашишга ҳаракат қиляпмиз».
