"Челси" ҳужумчиси Миши Батшуайи ижара асосида фаолиятини бошқа жамоада давом эттириши мумкин.
Журналист Николо Скиранинг сўзларига кўра, футболчи аллақачон "Бешиктош" билан келишувга эришган.
Турк клуби бельгиялик футболчининг фаолиятидаги "Боруссия Дортмунд", "Валенсия" ва "Кристал Пэлас"дан кейин (икки марта) ижарада ўйнаган тўртинчи клуби бўлади.
Батшуайи ўтган мавсум "Челси" сафида 20та ўйинда майдонга тушиб, 2та гол ва 2та голли узатмани амалга оширди. Унинг клуб билан шартномаси 2022 йилнинг июнига қадар тузилган.
Футболчининг бозор қиймати 10 миллион еврони ташкил қилади.
