"Барселона" ярим ҳимоячиси Филиппе Коутиньо ўзига янги клуб қидирмоқда, деб хабар бермоқда Corriere dello Sport нашри.
Манбага кўра, бразилиялик футболчининг фаолиятини давом эттириш вариантларидан бири - "Лацио".
Рим клубига футболчини ёзда сотиб олиш таклиф қилинган.
"Рим бургутлари" 29 ёшли футболчини сотиб ололмайди, шунинг учун ижара шартномаси тузилиши мумкин. Шу билан бирга, "кўк-анорранглилар" ярим ҳимоячига маошининг катта қисмини тўлашни давом эттириши мумкин. Бу йилига 9 миллион евро деганидир.
Соғлигидаги муаммолар туфайли Коутиньо декабр ойи охиридан бери майдонга тушмади. Унинг "Барса" билан шартномаси 2023 йилда якунига етади.
