"Арсенал" футболчиси Жо Уиллок нима учун клубни тарк этиб, "Ньюкасл"га қўшилгани ҳақида гапирди. У бу ҳақда шундай дейди:
"Мен янги жамоада ўзимда жуда яхши ҳис қилдим. Ўтган мавсум мен учун ажойиб кечди. Мен яна "Ньюкасл" футболчисига айланганимдан хурсандман. "Арсенал"ни тарк этишим бу олдинга катта қадам ташлаш деб ҳисоблайман. Эски клубимдаги барчага, мухлисларга, жамоага миннатдорчилик билдираман. Менга ўзимни кўрсатиш учун имкон берган ҳар иккала клубдан қарздорман. Ҳозир эса янги мавсумда янги либосдаги баҳсни сабрсизлик билан кутяпман".
21 ёшли футболчи "Ньюкасл" сафида 28 рақамда ҳаракат қилади ва "Астон Вилла"га қарши ўйинда майдонга тушиш учун тайёр бўлади.
