«Рома» 14 август, шанба куни Марокашнинг «Ража» клубига қарши назорат ўйини ўтказди.

Учрашувнинг 17-дақиқасида Элдор Шомуродов римликларни олдинга олиб чиққан бўлса, орадан уч дақиқа ўтиб, Жанлука Манчини орадаги фарқни оширди. Иккинчи бўлим дебютида Шомуродовнинг узатмасидан кейин Генрих Мхитарян ҳисобни йирик кўринишга олиб келди.

60-дақиқада Элдор захирага олинди. Қолган вақтда «бўрилар» яна икки бор рақиб дарвозасини ишғол қилди. 85-дақиқада Карлес Перес ўз ҳисобига гол ёздириб қўйган бўлса, 89-дақиқада Борха Майораль якуний ҳисобни ўрнатди.

Шу тариқа, Шомуродов «Рома»даги кетма-кет иккинчи ўйинида ҳам гол урди. Аввалроқ ўзбекистонлик футболчи «Бетис»га қарши назорат ўйинида (2:5) гол урганди. Қайд этиш керак, бу голлар расмий мақомга эга эмас.

Ўртоқлик ўйини
14 август, шанба
«Рома» (Италия) — «Ража Касабланка» (Марокаш) 5:0
Голлар: 1:0 – 17 Шомуродов, 2:0 – 20 Манчини, 3:0 – 48 Мхитарян, 4:0 – 85 Карлес Перес, 5:0 – 89 Майораль.