“Қизилқум” - “Қўқон-1912” (2:2) учрашувидан кейинги матбуот анжуманининг иккинчи қисмида навоийлик устози Ҳамиджон Актамов иштирок этди.

— Нима ҳам дердим, бугун ғалаба учун майдонда ҳаракат қилдик. Биринчи бўлимда жамоамизда жуда кўплаб вазиятлар бўлди, аммо охирига келганда вазиятни якунловчи футболчи топилмади. Голларда ҳам ўзимизнинг айбимиз бор эди. Устига устак биринчи гол рекошет орқали бўлди. Иккинчи голда ҳам ҳимоячиларда тушунмовчилик бўлди. Бу футбол шундай вазиятлар бўлиб туради. "Қўқон-1912" жамоасига ҳам кейинги ўйинларда омад тилаб қоламан. Камчиликлар борасида эса кейинги ўйинларда ижобий натижа кўрсатамиз деб умид қиламан. Мухлислардан узр сураймиз...

— Бугунги учрашувда Ислом Кенжабоевнинг ўйини ҳақида фикрингиз?
— Ҳозирча бир нима дейиш қийин, ўйинни қайтадан кўриб чиқамиз ва ўшандагина хулоса қилиш мумкин бўлади.