“Qizilqum” - “Qo‘qon-1912” (2:2) uchrashuvidan keyingi matbuot anjumanining ikkinchi qismida navoiylik ustozi Hamidjon Aktamov ishtirok etdi.

— Nima ham derdim, bugun g‘alaba uchun maydonda harakat qildik. Birinchi bo‘limda jamoamizda juda ko‘plab vaziyatlar bo‘ldi, ammo oxiriga kelganda vaziyatni yakunlovchi futbolchi topilmadi. Gollarda ham o‘zimizning aybimiz bor edi. Ustiga ustak birinchi gol rekoshet orqali bo‘ldi. Ikkinchi golda ham himoyachilarda tushunmovchilik bo‘ldi. Bu futbol shunday vaziyatlar bo‘lib turadi. "Qo‘qon-1912" jamoasiga ham keyingi o‘yinlarda omad tilab qolaman. Kamchiliklar borasida esa keyingi o‘yinlarda ijobiy natija ko‘rsatamiz deb umid qilaman. Muxlislardan uzr suraymiz...

— Bugungi uchrashuvda Islom Kenjaboyevning o‘yini haqida fikringiz?
— Hozircha bir nima deyish qiyin, o‘yinni qaytadan ko‘rib chiqamiz va o‘shandagina xulosa qilish mumkin bo‘ladi.