«Барселона» ҳужумчиси Лионель Месси ЕЧЛ нимчорак финали дастлабки учрашувида «Байер» дарвозасига тўп киритиб, иккита реорд ўрнатиди, деб хабар қилади Infostrada.
Аргентиналик ҳужумчи Европа кубокларида тўп сурган жанубий америкаликлар тарихида энг яхши тўпурарга айланиб олди. Энди унинг голлари сони 45 тага етди (тўпларнинг 44 тасини у ЕЧЛда, 1 тасини Европа суперкубогида киритган).
Бундан ташқари, ЕЧЛ плей-оффларида киритган голлари сони бўйича у Рауль ва Андрей Шевченкога тенглашиб олди. Номлари саналган футболчилар ҳисобида 19 тадан гол мавжуд.
Шунингдек, Месси Чемпионлар лигасининг кетма-кет 7 та сафар учрашувида (2010/11 мавсумнинг «Уэмбли»да ўтган финали ҳам ҳисобга олинса) гол киритмоқда. Бу ҳам турнирнинг янги рекорди саналади.
Қўшимчасига айтиш мумкинки, ЕЧЛнинг сўнгги икки мавсумида Месси фақат иккита сафар учрашувида гол кирита олмаган – «Рубин»га қарши Қозонда кечган учрашув (1:1)да ва «Эмирейтс»да «Арсенал»га қарши ўтган (1:2) ўйинда.
