"Тоттенхэм" ва "Астон Вилла" "Сампдория" ярим ҳимоячиси Миккел Дамсгорд учун
курашмоқда, деб хабар беради Calciomercato нашрига таяниб Goal.
Манбага кўра, инглизларнинг иккала клуби ҳам 21 ёшли иқтидор учун асосий даъвогарлардир. Маълум бўлишича, Италия клуби футболчи учун 35 миллион евро талаб қилмоқда.
2020/21 йилги мавсумда Дамсгорд "Сампдория" таркибида 37 ўйинда майдонга тушиб, 2 гол ва 4 голли узатма муаллифи бўлган. Бундан ташқари, у Евро-2020 ярим финалига қадар этиб борди ва 5 ўйинда 2 гол урди ва 1 голга узатма берди. Трансфермаркт портали футболчининг нархини 20 миллион еврога баҳоламоқда.
