"Манчестер Юнайтед" собиқ футболчиси Пол Скоулз манкунианликлар билан шартномаси 2022 йил июнь ойида якунига етадиган ярим ҳимоячи Поль Погба ҳақида гапирди.
"Ўйлайманки, Погба охир -оқибат "Манчестер Юнайтед" билан шартномасини узайтиради. Агар бу жамоа ўша руҳда давом этса ва олдинга интилса, унда бундай жамоа кубокларни қўлга киритиши мумкин. Погба ҳам шуни хоҳламоқда", - дея Goal.com Скоулзнинг сўзларини келтиради.
Эслатиб ўтамиз, Англия чемпионатининг илк учрашувида "Манчестер Юнайтед" ўз
майдонида "Лидс"ни 5:1 ҳисобида мағлуб этди. Мазкур баҳсда Поль Погба тўртта голли узатмани амалга оширди.
