"Арсенал" ярим ҳимоячиси Мартин Эдегор трансфери борасида "Реал" билан музокара
ўтказмоқда.
"Қаймоқранглилар" футболчини сотмоқчи, лекин қайтариб сотиб олиш ҳуқуқини сақлаб қолмоқчи.
Мадрид клуби 22 ёшли футболчи учун 50 миллион евро олишга умид қилмоқда ва уни 40 миллион ва 10 миллион бонусга сотишга тайёр.
"Арсенал" норвегиялик учун 30 миллион евро таклиф қилмоқчи, деб хабар беради ABC.
"Канонирлар" футболчини ижарага олиш имкониятини ҳам кўриб чиқишмоқда.
Эдегор ўтган мавсумнинг иккинчи қисмини "Арсенал"да ижарада ўтказди. Премьер -лигадаги 14 ўйинда 1 гол урди ва иккита пас берди.
