Лондоннинг «Арсенал» клуби ҳимоячиси Эктор Бельерин жамоасини ўзгартирмоқчи.
Эктор «Арсенал»ни тарк этиш учун ўз маошини қисқартиришга ҳам тайёр. The Athletic хабарига кўра, 26 ёшли футболчи жамоа мураббийи Микел Артетага ўз қарори ҳақида аллақачон айтган.
Маълум бўлишича, испаниялик футболчи янги жамоага ўтиши учун маошини сезиларли даражада қисқартириш таклифини илгари сурган. Футболчига асосий даъвогарлардан бири «Интер» бўлиб турибди.
Маълумот учун, Премьер-лиганинг сўнгги мавсумида Бельерин 25 та ўйинда майдонга тушиб, битта гол ва иккита голли узатмани амалга оширди.
