«Арсенал» ўз яримҳимоячиси Гранит Жака билан янги шартнома имзолайди, деб хабар беради Football London. Хабар қилинишича, янги шартнома 2025 йилнинг ўрталарига қадар амал қилади.
Аввалроқ, Жака «Рома»га ўтишга яқин тургани ҳақида хабар берилганди, аммо клублар ўзаро келиша олишмади.
Шу муносабат билан Лондон клуби раҳбарияти швейцарияликни жамоада сақлаб қолишга ва унга янги шартнома таклиф қилишга қарор қилди.
Эслатиб ўтамиз, Жака «Арсенал»га 2016 йилда Мюнхенгладбахнинг «Боруссия» клубидан 45 миллион евро эвазига кўчиб ўтган эди.
Унинг «канонирлар» билан амалдаги шартномаси 2023 йилгача мўлжалланган. Премьер-лиганинг биринчи тур учрашувида у майдонга клуб сардори сифатида тушди.
