Италия чемпионатининг янги мавсуми ушбу ҳафтада старт олади. FiveThirtyEight алгоритми асосида ишлайдиган суперкомпьютер жорий мавсумда жамоаларнинг ғолибликка имкониятларини тахмин қилди.
Унга кўра, ғолиблик учун энг юқори имконият "Интер"да — 27%. "Нерадзурри" мавсумда 76 очко жамғариш кутилмоқда.
"Ювентус"нинг имкониятлари эса 22 фоизга баҳоланган бўлса (74 очко), "Аталанта"нинг совринни қўлга киритиш эҳтимоли 17 фоизга тенг (72 очко).
Суперкомпьютернинг тахминича, ўтган мавсумда бешинчи ўринни эгаллаган "Наполи" бу сафар 4-поғонани банд этса, ўтган мавсумда иккинчи ўринни забт этган "Милан" эса янги мавсумдан топ-4дан ташқарида қолади.
