Француз матбуоти, "Милан"нинг собиқ афсоналаридан бири Паоло Мальдинининг "ПСЖ" клуби билан музокаралар олиб бораётганлиги ҳақида маълмуот тарқатмоқда.
Паоло Мальдини ўтган дам олиш куни Парижга ташриф буюрган ва жамоа ўйинини кузатган эди. Эндиликда унинг нима учун Парижга етиб келганлиги ойдинлашди. Бир қатор ОАВнинг маълум қилишича шу кунларда Париж клуби машҳур ҳимоячи билан шартнома имзолаш арафасида экан. Мальдини "ПСЖ"да бош мураббий Карло Анчелоттининг ёрдамчиси сифатида иш бошлайди.
"ПСЖ" спорт ишлари директори, яна бир собиқ "Милан"чи Леонардо ҳам вазиятга ойдинлик киритди.
"Биз ҳақиқатдан ҳам Мальдини номзодини кўриб чиқдик. У билан айрим кичик деталларни муҳокама қилиб олсак бўлди. Паоло билан шартнома тузилади",-дейди Леонардо
