Килиан Мбаппе «ПСЖ» раҳбариятининг хатти-ҳаракатларидан ғазабда.
Матбуот хабарларига кўра, у раҳбариятни ўз ваъдасида турмаганликда айбламоқда. Килиан 2017 йилда парижликлар билан узоқ муддатли шартнома имзолаган эди.
Президент Носир Ал-Хелайфи шахсан футболчига шартнома тугашидан бир йил олдин уни «Реал»га қўйиб юборишга ваъда берган.
Айни пайтда Ал-Хелайфи ўз айтган сўзларини эслашни хоҳламади. Президент Килиан билан гаплашишдан бош тортди.
Гап шундаки, франциялик футболчи шартнома охиригача «ПСЖ»да қолиши керак. Бироқ 4 йил олдинги келишувда Мбаппенинг Мадридга йўл олиши ҳақида гап бўлган.
Парижликлар молиявий фейр-плей қоидаларини бузмасдан футболчини сотмасликка қодир эканликларига ишонишади.
