Аргентиналик ҳужумчи Карлос Тевезнинг агенти бўлмиш Киа Журабчан "Манчестер Сити" клуби расмий сайтига берган интервьюсида, Тевез ўз клуби ва мухлисларидан узр сўрашга тайёр эканлигини айтиб ўтди.
"Футбол нуқтаи назаридан олиб қарасак, Тевезнинг йўл қўйган хатосини инкор қилиб бўлмайдигандек. Аммо, у бўлиб ўтган ишлардан афсусда. "Манчестер Сити" мухлислари билан муносабатларни яна ижобий томонга ўзгартириш унга қийинчилик туғдириши табиий. У клуб раҳбариятидан ҳам, мухлисларидан ҳам кечирим сўрашга тайёр" - дейди Журабчан.
Эслатиб ўтамиз, Карлос Тевез ўтган куни яна "Манчестер Сити" жамоаси ихтиёрига келиб қўшилди.
