"Рома" бош мураббийи Жозе Моуриньо "Челси"дан ҳужумчи Тэмми Абраҳамнинг трансфери ҳақида фикр билдирди.
"Мен Тэммини болалигидан биламан. Аммо, у менинг қўл остимда ўйнамаган, чунки мен "Челси"да ишлаган пайтимда, Абраҳам 14-16 ёшда эди. Лекин, мен уни футболчи сифатида ҳам, шахс сифатида ҳам яхши
биламан. Тэмми Премьер-лигани тарк этиш қарорини қабул қилган, бу инглиз футболчиси учун доим қийин.
У нима сабабдан Премер-лигадан кетгани ҳақида гапирди. Унинг мақсади
терма жамоага қайтиш ва жаҳон чемпионатида тўп тепиш. Бу учун Абраҳамга "Рома" трампилин вазифасини ўтаб бериши керак.
Шунинг учун у бу ерга шундай амбициялар билан келди. Биз унинг энг яхши ўйинларини кўришга умид қиламиз. Энди ҳужум чизиғидаги футболчилар тўлиқ бўлди",- деди Моуриньо.
