Украина терма жамоасининг янги бош мураббийи Александр Петраков янги лавозимида биринчи интервьюсини берди.
Мутахассиснинг сўзларини терма жамоа матбуот хизмати келтиради. Мураббий интервьюсида ЖЧ-2022 учун ҳар бир саралаш ўйини финал билан солиштириш мумкинлигини айтди.
Ўз навбатида, Петраков жамоани жаҳон чемпионатига олиб чиқиш учун ҳамма нарсани қилишга ваъда берди.
Мутахассиснинг фикрича, «сариқ-кўклар» учта ўйиндан барча вазифани деярли ҳал қилиб бўлишади.
Маълумот учун, Украина терма жамоасининг аввалги мураббийи Андрей Шевченко эди. Унинг қўл остида жамоа Евро-2020 чорак финалигача етиб борди.
