"Ювентус" ҳужумчиси Криштиану Роналду соч кўчириш бўйича бизнесини ривожлантиришда давом этмоқда.
Португалиялик футболчи ушбу соҳа бўйича иккинчи клиникани Испаниянинг Марбелья шаҳрида очди.
Клиниканинг майдони 4000 квадрат метр бўлиб, унда юзга яқин киши ишлайди. Клиникада 15 та функционал хоналар - операция, даволаш, маслаҳат хоналари ва турли шифокорлар кабинетлари мавжуд.
Роналду биринчи клиникасини 2019 йилда Мадридда очган. Ўшандан бери бу ерга 6 мингдан ортиқ одам ташриф буюрган.