«Арсенал» агарда Арон Ремсдейлни таркибга олиб келишни якунласа, у ҳолда бир нечта футболчиларини сотиши керак бўлади. Журналист Фредди Пакстон сўзларига кўра, Лукас Торреира, Мейтленд-Найлз ҳамда Эктор Бельеринлар жамоа билан хайрлашувчилар қаторида турибди.
Торреира анчадан буён асосий таркибга киритилмаётир. У «Атлетико»га ижарага бериб юборилган эди. Найлз таркибга яхши ротация варианти бўлиши мумкин, аммо сотилиши катта эҳтимол. Бельерин эса ўз хоҳишини аллақачон раҳбариятга айтиб бўлган ва у кетади.
