«Барселона» клуби таркибдаги айрим катта маош соҳибларини сотиш орқали клуб харажатларини қисқартиришни режалаштирмоқда. Ла лига гиганти, шунингдек, айрим футболчилар маошини камайтириш бўйича келишувга эришган.
Хабарда айтилишича, клуб Каутиньо, Самуэл Умтити ҳамда Миралем Пяничларни сотиб юбориш орқали бунга эришиш мумкин. Ушбу футболчиларнинг жамоадан кетиши 200 миллион евро маблағ тежалишига сабаб бўлади.
Клуб президенти Хуан Лапорта йил бошидан буён 1 миллиард еврогача қарзга ботган жамоа молиявий ҳолатини барқарорлаштиришга ҳаракат қилиб келмоқда.
