Яқиндагина Туриннинг «Ювентус» клубига келиб қўшилган Мануэль Локателли ушбу трансферга изоҳ берди. Эслатиб ўтамиз, Мануэль яқин вақтгача «Сассуоло»да ўйнаган эди.

"Болалик орзуси амалга ошди. Мен бу ерда бўлиш учун жуда кўп ҳаракат қилдим. Энди тезроқ  майдонда бўлишни ва бу буюк клуб таркибида ўйнашни сабрсизлик билан кутаман.

«Сассуоло» билан хайрлашганимда, йиғлаб юбордим. Бу клуб менинг юрагимда абадий қолади. У менга аввало яхши одам бўлишимга катта ёрдам берди, шахсиятимни шакллантиришга ёрдам берди.

Бироқ, баъзида жиддий қарорлар қабул қилиш ҳам керак, бу ҳаёт. Айни дам «Сассуоло» билан хайрлашиб, янги саҳифа очиш учун тўғри вақт.

Мен қийинчиликларга тайёрман, уларни енгиб ўтишга ва бундан ҳам яхшироқ бўлишга ҳаракат қиламан»,- дейди Локателли.