Мадриднинг "Реал" клуби келаси ёзда кенг кўламли трансфер мавсумини ўтказмоқчи, деб ёзади Football Espana нашри.
Мадридликлар эркин агентга айланадиган бир қанча етакчи футболчиларбилан шшартнома имзолашни режалаштирмоқда. Бу ёндашув муваффақиятининг сўнгги мисоли - Давид Алаба билан битим тузилишидир.
Бир йил ичида "қироллик клуби" анчадан буён янгиланмаган яримҳимояни мустаҳкамламоқчи.
"Реал Мадрид" учта ярим ҳимоячини нишонга олмоқда - "Бавария"дан Леон Горецка,
"Манчестер Юнайтед"дан Поль Погба ва "Ренн" футболчиси Эдуардо Камавинга.
Шунингдек, "қаймоқранглилар" "Челси" ҳимоячиси Антонио Рюдигер ва "ПСЖ" ҳужумчиси Килиан Мбаппени қўлга киритишини кутишмоқда. Мазкур футболчиларнинг ҳам шартномаси келаси йилда якунига етади.
