"Тоттенхэм" марказий ҳужумчиси Харри Кейнни қўлга киритиш учун муваффақиятсиз уринишлар бўлганида, "Манчестер Сити" расмийлари муқобил вариантга ўтмоқчи.
RAI Capa ва TMW нашри маълумотларига кўра, "шаҳарликлар" раҳбарияти "Фиорентина" ҳужумчиси Душан Влаҳовични сотиб олишни режалаштирмоқда.
Қайд этилишича, 21 ёшли сербиялик ҳужумчи "бинафшалар" лагерини тарк этишга тайёр, унинг агентлари эса "Сити" вакиллари билан музокараларни бошлаб юборишган. Влаҳовичнинг трансфери учун "Ман Сити" Флоренция клубига қарийб 80 миллион евро тўлашга тайёр.
Эслатиб ўтамиз, А Сериянинг ўтган мавсумида Душан 21 та гол урди ва 3 та голли узатмани амалга оширди. Футболчининг хизматларига шунингдек. "Атлетико" ва "Тоттенхэм" ҳам қизиқиш билдирмоқда.
