Босниялик ярим ҳимоячи Миралем Пьянич жорий трансфер ойнасида Каталониянинг "Барселона" клуби билан хайрлашишга яқин турибди, бу ҳақда инсайдер Николо Скира твиттеридаги саҳифасида ҳабар бермоқда.
Журналистнинг таъкидлашича, тажрибали футболчи "Ювентус"га қайтмоқчи. Пьянич музокараларга тайёр ва "кекса синьора" вакилларидан таклиф кутмоқда. Босниялик футболчи музокаралар учун аллақачон Италияга борган.
Миралем 2016 йилдан 2020 йилгача Турин гранди таркибида ўйнади ва шундан сўнг бир йил аввал Каталония клубига кўчиб ўтди. "Барселона"да у ўзининг ўйинини намойиш эта олмади ва асосан захирадан майдонга тушди.
Эслатиб ўтамиз, ўтган мавсум Ла Лигада ярим ҳимоячи 19 ўйин ўтказган.
