Олдинроқ "Манчестер Сити"ни тарк этиш нияти борлигини эълон қилган испаниялик ҳимоячи Эмерик Льяпорте Италия чемпионатида ўз кучини синаб кўриши мумкин.
The Times нашри хабарига кўра, 27 ёшли футболчи Туриннинг "Ювентус" клуби қизиқишлари доирасига тушиб қолган. "Кекса синьора" мудофаа марказини кучайтириш ниятида ва Льяпорте учун курашга тайёр.
Эмерикнинг ўзи "Реал" ва Каталониянинг "Барселона" клублари унинг хизматларига қизиқиш билдираётган ўз ватанига қайтмоқчи.
Премьер-лигага ўтишдан олдин Льяпорте Билбаонинг "Атлетик" клубида етти мавсум ўйнади. Унинг "шаҳарликлар" билан шартномаси 2025 йилнинг ёзига қадар тузилган.
