"Боруссия Дортмунд" ва Норвегия терма жамоаси ҳужумчиси Эрлинг Ҳоланд фаолиятини "Реал"да давом эттириши мумкин.
Испаниялик журналист Сиро Лопеснинг сўзларига кўра, "қироллик клуби" дортмундликлар билан 2022 йилнинг ёзида форвардни трансфери бўйича олдиндан келишиб олган.
Манбага кўра, футболчига бир қатор инглиз клублари даъвогарлик қилган, аммо у фақат "қаймоқранглилар" либосда ўйнашни истамоқда.
Эслатиб ўтамиз, 2022 йилнинг ёзида норвегиялик шартномада белгиланган компенсация миқдори 75 миллион еврога тенг бўлади.