"Реал" ярим ҳимоячиси Марко Асенсио фаолиятини Англия Премьер-лигасида давом эттириши мумкин.
Fichajes нашрининг сўзларига кўра, Лондоннинг "Арсенал" клуби 25 ёшли испан вингернинг хизматларига қизиқиш билдирмоқда. Мартин Эдегорни сотиб олингандан сўнг, "канонирлар" раҳбарияти "қаймоқранглилар" билан Асенсио трансфери борасида музокара ўтказишга ҳаракат қилади.
Футболчининг трансфери 34 миллион фунтга баҳоланмоқда.
Қайд этилишича, Марконинг хизматларига "Ливерпуль" ва "Тоттенхэм" ҳам қизиқиш билдирмоқда.
Эслатиб ўтамиз, Асенсио 2016 йилдан буён "Реал Мадрид" асосий жамоасида ўйнайди ва шу вақт мобайнида у 120 та учрашув ўтказган ва тўққизта совринни қўлга киритган, шу жумладан 2 та Чемпионлар Лигаси ва иккита Испания чемпионати бош соврини ҳам бор.
