"ПСЖ" ҳужумчиси Килиан Мбаппе ёзда "Реал"га ўтиши мумкин.
Франциялик ҳужумчи "қизил-кўклар" билан янги шартнома имзолашдан бош тортди ва аллақачон ўз қарорини жамоа олий раҳбариятига маълум қилди.
Marca нашри хабарига кўра, "Реал Мадрид" футболчининг агентлари ва воситачилари билан музокарадан бош тортган ва ҳозирча "ПСЖ"га расмий таклиф билан чиқмаган.
Манбанинг таъкидлашича, "қаймоқранглилар" президенти Флорентино Перес Париж клуби хўжайини, Қатар амири Тамим бин Ҳамад Аль Таний билан шахсан музокара ўтказмоқчи.
Қайд этилишича, фақат Аль Тани Мбаппенинг келажаги ҳақида қарор қабул қилади ва агар у Килианни қўйиб юборишга рози бўлса, у ҳолда "Реал" футболчининг трансфери бўйича музокараларни бошлаши мумкин бўлади.
