"Лейпциг" ярим ҳимоячиси Марсель Забитцер яқин икки ҳафта ичида клубини тарк этади.
Bild нашри хабарига кўра, 27 ёшли австриялик плеймейкер клубини ўзгартирмоқчи ва бу ёзда Юлиан Нагелсманн бошчилигидаги "Бавария"да футболчи бўлишга қарши эмас.
Забитцернинг амалдаги шартномаси келаси йилнинг ёзида тугайди ва "Лейпциг" хўжайинлари ярим ҳимоячисини кетишига қаршилик қилмайди.
Шу билан бирга, манба "Бавария" Забитцер трансфери учун керакли суммани тўлашга рози бўлишига шубҳа қилмоқда.
Эслатиб ўтамиз, олдинроқ Марселга Лондоннинг "Тоттенхэм", "Челси" ва "Арсенал" клублари қизиқиш билдирганди.
