"ПСЖ" мураббийи Маурисио Почеттино футболчи Килиан Мбаппени жамоадан кетиши мумкинлига ҳақидаги саволларга жавоб берди. Мураббийнинг фикрича, 22 ёшли француз футболчиси "Реал" ва Англиянинг "Ливерпуль" клуби қизиқишига
қарамай, жамоада қолади.
"У ҳар бир учрашувда кўп ҳаракат қилади ва шерикларини ҳам шунга руҳлантира олади. Мбаппе бизнинг футболчимиз. Менга маълум бўлишича, Килиан бу мавсумни биз билан ўтказади", - дея Почеттинонинг сўзларини келтиради RMC Sport нашри.
Аввалроқ, Мбаппе "ПСЖ" билан янги узоқ муддатли шартнома имзоламоқчи эмаслиги ҳақида хабар берилганди.
