Ярим ҳимоячи Тьемуэ Бакайоко "Челси" билан янги шартнома имзолади, деб хабар беради журналист Жанлука Ди Марцио.
Манбага кўра, лондонликлар шартномани узайтириш вариантини маъқул кўрган. Футболчининг шартномаси 2023 йилнинг ёзида якунига етади. Эътиборли томони, футболчи охирги марта "Челси" таркибида 2018 йилнинг ёзида ўйнаган.
Маълум бўлишича, ярим ҳимоячи "Милан"га ижарага ўтиши мумкин, чунки 26 ёшли француз Лондон жамоаси бош мураббийи Томас Тухелнинг режаларига киритилмаган. Трансфермаркт портали Бакайокони 20 миллион еврога баҳоламоқда.
2020/21 йилги мавсумда Бакайоко "Наполи"да ижарада ўйнаган. У 44 ўйинда иккита гол урди ва иккита голли узатмани амалга оширди.
