Италиянинг «Рома» клуби «Арсенал» футболчиси Лукас Торреира хариди бўйича музокаралар бошлайди. «Рома» бош мураббийи Жозе Моуриньо жамоага таянч ярим ҳимоячиси олиб келиш бўйича иш бошлаган.
Унинг Гранит Жака ҳамда «МЮ» футболчиси Неманя Матич борасидаги ҳаракатлари омадсиз тугаган эди. Эндиликда у Уругвай термаси аъзосини таркибга жалб қилиш ниятида. Ҳозирда футболчининг агенти Пабло Бентанкур Лондонда бўлиб турибди ва тўпчилар раҳбарияти билан музокаралар ўтказади.
Унинг клуби билан 2023 йилгача битими мавжуд ва сотиб олиш шарти билан яна бир мавсум ижарага берилиши мумкин. Аммо бу сафар «Атлетико»га эмас, балки «Рома» учун. Торреира «Арсенал» сафига 2018 йилда «Сапмдория» сафидан 28 миллион евро эвазига келган эди.
