«Эвертон» клуби «Барселона» футболчиси Самуэл Умтити трансфери борасида таклиф юбориши мумкин. «Express» нашри хабарига кўра, мерсисайдликлар 27 ёшли ҳимоячи хизматларига қизиқиш билдирмоқда.
Жамоа бош мураббийи Рафа Бенитез ёзги трансфер муддати тугашидан олдин яна битта мудофаа ўйинчиси сотиб олиш ҳақида бош қотирмоқда. Клуб асосий футболчиси бўлган Ери Мина жароҳатлари сабаб спорт формасини тиклаши учун анча вақт талаб этилиши мумкин.
Аввалроқ Умтити харидига «Тоттенхем» қизиққани ҳақида хабар қилинган эди.
